जय हनुमान

आज थोडा हटके किस्सा . जास्त मोठा नाहीये .... बघा पटतो का ???
हसीम आज एक अद्भुत किस्सा आपल्या सोबत Share करतोय .
महाराष्ट्र आणि कर्नाटक च्या बोर्डर वर भैरापूर नावाच एक छोटेसे गाव आहे . साधारण २ हजार लोकवस्ती असलेल . आर्यन पाटील या माझ्या मित्राचे ते गाव .
मी त्याच्यासोबत भैरापूर ला गेलो होतो .
तिथे मी त्याच्या काकूला भेटलो . वय साधारण ४० - ४५ असेल .
अस म्हणतात कि त्यांच्या अंगात देव येतो. आणि त्या वेळी त्या जे बोलतात ते सगळ खर होत .
मी त्या काकुशी मस्त गप्पा मारत होतो . तेव्हा त्यांनी ,त्यांना येउन गेलेला एक दैवी अनुभव मला सांगितला .
साधारण ३ वर्षापूर्वीची ही गोष्ट असेल .
त्या रानामध्ये गवत काढायचे काम करत होत्या .
अचानक समोर २००-३०० मीटर अंतरावर त्यांना एक माकडा सारखा विचित्र प्राणी दिसला ,
चांगलाच १२-१३ फूट उंच होता .
पूर्ण अंगावर लांब केस होते , मागे लांबलचक शेपूट , पूर्ण केसाळ प्राणी होता ,वाकून वाकून चालत होता .
काकूंनी त्याला बघितल आणि जोरात बाकीच्या बायकांना ओरडून सांगू लागल्या .
"अरे तो बघा काय आहे ? "
सर्व बायका काम सोडून तिकडे बघू लागले पण कोणालाच काही दिसेना .
" काय ग ? कुठे काय ? " त्या बायका बोलल्या .
" अग तो बघ न केवढ मोठ माकड आहे ." काकूंनी त्यांना सांगितल .
पण कोणालाच काही दिसत नव्हत .
तेवढ्यात त्या माकडाने जोरात उडी मारली . आणि जवळच एक मोठ झाड होत त्या झाडावर ते बसल.
तश्या काकू ओरडल्या "हे बघ ..कसली उडी मारली त्याने "
ते माकड कोणाला दिसलं नाही पण झाड खूप जोरजोरात हलत होत . ते मात्र सर्वांनी पाहिलं .
आता सर्वांना पटल कि तिथे काहीतरी आहे जे फक्त काकूंना दिसत आहे .
तेवढ्यात त्या मोठ्या माकडाने पुन्हा आकाशाकडे झेप घेतली आणि तसाच वर वर गेला आणि दिसेनासा झाला .
काकूंना दिसलेलं ते मोठ माकड दुसर तिसर कोणी नसून राम भक्त हनुमान म्हणजेच आपला मारुती राया होता .
अजूनही त्या गावातील सगळेजण काकूंना स्वतः मारुतीरायाने येउन दर्शन दिल आहे असच समजतात .